USKO PATA HAI

Use pata hai mere dil me kya hai..
Haal-e-dil mere labzo me bayaa hai..
Izhaar ab karu to kaise karu..
Dil ka ye eksaas naya naya hai..
Mere dil me kya hai sab usko pata hai

Koi mujhe uske dil ka haal bata deta..
Use mere dil ka aaina dikha deta..
Mere dil ka ehsas wo v samajhhti..
Pyar ki kasauti pe mujhko parakhhti..
Dil laga baitha ye dil ki khhata hai..
Mere dil me kya hai sab usko pata hai

Ek darr daba hai siney me mere..
Use khhone ka darr rehta saam savere..
Haal-e-dil izhaar me sab chhuth na jaye..
Sajaya hua ek sapna toot na jaye..
Tanha sa dil is dillagi ki saja hai..
Mere dil me kya hai sab usko pata hai.

:-Kumar Sandeep Patel

Uski khubsurati ka gehna

Sabka ek sapna, sapno ki rani..
Khubsurat lamho se suru ek meri kahani..
Sapno se haqiqat me sayad he kuch rehta hai..
Ek adad deedar ko bus ankhe tarasta hai..
Nahi milna mujhe , pal pal uska ye kehna tha..
Baat baat pe inkar v uski khubsurati ka gehna tha

Ek ajab si chamak thi gorey se chehre pe..
Laga aise jaise khud chand baitha ho pehre pe..
Na koi kami ki kasak dikhi , na hot banne ki lalak dikhi..
Khubsurat ankho ko chhipatey baar baar palak dikhi..
Kajal laga tha ankho me, simple sa dress pehna tha..
Uski ye saadgi bhi uski khubsurati ka gehna tha


Ek anjana sa mahak tha uske sang hawao me..
Jaise bagiya chal k aa gaye ho bikhherne khusboo fizao me..
Thhoda kareeb jane ka man me khyal v ek pal paya tha..
Roka tha khud ko, kyoki mai khud he chal k aaya tha..
Thhoda sarmayi, thhoda ghhabrayi, meri zidd pe uska bigadna tha..
Uski aisi pyari harkatey v uski khubsurati ka gehna tha.


:-Kumar Sandeep Patel

Dil v usi se lagaya jo kismat me nhi tha.

Aj duniya me mohabbat ki kyo aisi halat hai...

Ashiqo k darbar me bus tutey dilo ki wakalat hai

Ladka aur ladki aaropi hai

Faisla kismat k hatho saupi hai...

Muskil hai samajhhna kya galat kya sahi tha...

Dil v usi se lagaya jo kismat me nahi tha..

Kuch u suru hua tha ashiqi ka daur..

Sarafat wali najre ban gaye chor

Dil churane ki asha thi..

Har baar hath lagti nirasa thi..

Ab to har chehre me najar ata chehra wahi tha..

Dil v usi se lagaya jo kismat me nhi tha..

Kash wo hoti baho me ..mai ek tak niharta rehta

Ati jo julfe chehre pe mai unhe sawarta rehta

Asan haal e dil batana hota...

Sabdo ki jarat na hoti..mai aisa deewana hota

Ek dil agey nikal gaya, ek tuta tanha wahi tha

Dil v usi se lagaya jo kismat me nhi tha.

:-kumar sandeep patel