India, duniya k nakse pe ek behad khubsurat aakriti. India jo duniya me sabse purani sabhhyta aur sanskriti hone ka daawa karta hai. India jo apne gauravsali itihas ki wajah se Hindustan, Aryavat aur Bharat k naam se v jana jata hai. Mai us Hindustan ki baat kar raha hu jo puri duniya me apne hazaro saal purani culture k liye jana jata hai.Mai us Hindustan ki baat kar raha hu jiska itihas yaha ishwar k honey ki gawahi dete hai. Besak ye wahi desh hai jisey kudrat ne badi khhubsurti se har rang roop se nawaja hai. Mujhe garv hai is baat par ki mai us desh me rahta hu jo besak duniya ka akela aisa desh hai jisey hum bharat mata kahte hai. Hum apne desh ko apni maa kahte hai , ha mujhe fakra hai apni is bharat maa pe jisne ek he maksad k liye gandhi aur bhagat singh jaise do alag soch wale amar insan ko hindustan k sirzami pe honey ka gaurav dia. Hum astha me jitey me hai . Ishwar , allah me hamara bohat viswas hai. Besak apne kisi khhas pe bhharosa bhale na ho lekin pathharo se bani ebadat k silalekho pe hamara pura viswas hota hai. Iswar k roop ko maa kahte hai aur aaj us maa ka har roop insaniyat ki ochhepan se andhkar me hai. Insaan ki galat soch ne usey haiwan bana dia hai. Bhharat mata ko iswar ne har sringar se nawaja hai . Hindustan me ho rahi sharmnaak haadse na sirf bhharat maa ko balki un deviyo ko v apmanit kar rahi hai jinki hum puja karte hai. Ye sirf kisi ek hadse ya ek stri ki nahi hai, inka sarokaar Hindustan ki us adhi aabadi se hai jisey hum jagjanni kahte hai.
"Har aangan me hai sannata, mitthi gunj thhami hui hai
Deviyo k desh me ho rahe hadso se har ladki sahmi hui hai
Baat sirf kursi aur kanun ka hota hai
Sach to ye hai ki ye hadse insaaniyat pe gehra sawal chhorta hai"
Kuch saal pahle ek film ayi thhi "ye mera india". Us film ki ek line thhi "Hindustan ko bhagwan chalatey hai. Besak ye line ek insan ki dimag ki upaj ho lekin ye sachhai se parey hargiz nahi hai. Sawal ye hai ki akhir in hadso ka zimmedar kaun hai. Sawal ye hai ki gauravsali hindustan me stri ka wajood kya hai, sawal ye hai ki duniya ko culture aur tradition sikhane wale bhharat me iske samman ki kami hai, Sawal ye v hai ki aaj ka samaj kya ladkio ko sirf aur sirf ek sambhog ki wastu matra samajhta hai aur apni ek jhhuthi prabhhuta dikhhane ki wahiyat kosisey karta hai. In sawalo ke hazaro jawab aaj kal tv ya social sites pe logo ke aa rahe hai. In sab k bich ek baat dawey ke sath keh sakta hu , aaj insaan insaan nahi haiwan ban chuka hai. uffffff... Na janey hamarey desh k in safedposh netao ki ankho ko kya ho gaya hai jo sadko pe utre logo ki ankho me us armaan ko nahi dekh pa rahey hai jo taktaki laga kar baithe huye ki ab unhe insaaf milega. Hamarey neta behrey ho gaye jo hawao me gunj rahe us kanoon ki mang ko nahi sun pa rahey jo ek bhharat ki ek awaz hai . Achha hota agar ye kuch achha bol patey, afsos mahamahim ke bete ko ye lagta hai ki ye koi ramp hai jaha log sajh dhaj ke walk karne aye hai. Besak ye mahoday jis v jagah se MP hai wo jagah bhagwan bhharosey chal raha hai. Apne 22 saal ki zindgi me maine aisa koi Fashion show nahi dekha jaha par laathhiya bhhaji ja rahi ho , kadakey ke thhand me zabaradast pani barsaye ja rahe ho. Agar Mr. Mukherji ne apne baap ke rutbey ka istemaal nahi kia ho to unhe sayad samvidhan ki jaankari zarur hogi jo Disco ya bar me janey ki anumati deta hai aur yahi samwidhan inhe apne haq k liye ladne ka bhi adhikar diya hai. Afsos, ye bhi us sukhey huye bagiche ka ek hissa hai jaha hariyali ki ummid bemani si lagti hai. Afsos hamarey PM , jo kabhi bolte he nahi hai aur jab bolte hai to usey pachaney k liye hajmola khhane ki zarurat pad jati hai. Hadse k 7din baad inhone bolna sirf zaruri samjha aur kya boley...gazabbb kya bole. " meri bhi 3 betiya hai , mai inke dard jo samajhta hu" . Mai janta hu apki sirf 3 betiya hai aur aap sirf hindustan k sirf in 3 ladkio ko he samajhte hai. Ye bhi ek afsos ki baat hai ki aaj samajh ka ek tabka ladkio ke pehnawey ko iska zimmedar manta hai. Agar aisa hai to mai nahi samajh pa raha ki Ravan ne Sita ko kidnap kyo kia, Agar aisa hai to mai ye nahi samajh pa raha ki Draupadi ka Chirharan kyo hua. Sayad mujhe utni samajh nahi hai, jitna mai samajh paya hu wo ye ki Ravan ek haiwan tha jisne sita ka apharan kia uske liye sita ke pehnawey me problem nahi thhi. Baat agar Draupadi ki hai to agar pandav me aurat k liyesamman hota to wo Draupadi ko kabhi daw pe nahi lagatey , Ek khel he to thha har man lete to Draupadi ko daw pe na lagana padta. Hamara dharam granth ye kehta hai ki ye sab krishn ki leela thi, agar aisa thha to mai nahi manta kyoki aaj chirharan karne waley dushasan to zarur hai lekin bachaney wala krishn kaha hai.
Besak hindustan ke har koney me aisi wardatey ho rahi hai . Delhi ki baat karey to yaha ki CM, Mayer dono ek mahila hai, aur smt soniya gandhi jo besak duniya ki sabse shaktisali mahilao me se ek hai. In sab ke din-raat bade chain se delhi me guzartey hai aur is delhi ka aaj aisa haal ho gaya hai aaj hindustan ki rajdhani me inke alawey har mahila ka din-raat ek khaufnak dar me gujarta hai.
Ye josh ye akrosh besak 16th december ko huye vasant vihar gangrape k baad dikh raha hai lekin bohat bohat sukriya anna g ka jinhone ek roshni dikhayi aur ab log sadko pe utarne lagey hai. Dil khhus hota hai ki aaj rotia pakaney wale hatho me kranti ke jhhandey bhi hai. Is zazbey ko mai salam karta hu. "Green & Clean Delhi" , maine ye slogan delhi me bohat jagah , har dusrey tisrey bus stop pe padhey hai. Besak sirf Delhi kya Pura desh Green & Clean ho gaya ho, lekin hamari soch gandi ho gayi hai aur isey saaf karne k liye koi detergent powder v nahi hai. Ek baat humey samajhne ki jarurat hai stri sirf ek stri nahi hoti wo risto ko janam deti hai, Kisi ki beti ban k , kisi ki patni ban k to kisi ki maa ban ke . Hamarey har tyohar inke wajood se hai. Maa ki mamta aur beti ka pyar inka astitva bacha rahey iske liye zarurat hai humey apne soch ko badalne ki.
Besak boht log meri baato se ittefaq nahi rakhte honge, lekin kahi na kahi in baato ka unki apni zindgi se sarokar jarur hai. Sayad vasant vihar gangrape jaise hadse nahi hotey agar aaropi ko achhe sanskar miley hotey. unki soch achhi hoti, naari k prati samman hota. Hum sab ko apne andar jhhakne ki zarurat hai. Sayad wo ladki aaj zinda hoti jisey road pe adhmara nanga dekh k log tamasbin na ban kar uspar kapda dal dete. sayad us ladki k sath itna bura na hota agar police apna kam imandari se kar rahi hoti. Sayad wo ladki bus me na jaati agar auto taxi waley sach me seva karne ke liye hotey. aise bohat sayad jaise sawal muh khhol k kahi na kahi humse sawal kar rahe hai , hamari insaniyat ko dhhatta dikha rahe hai jo us jagah ankhhe fad k bus dekh rahe thhe lekin kisi ki ankhe nam nahi hui ki wo is barbarta ki sikar ki madad k liye agey badha hota. ladki k dost ne thhik kaha ki mombatti jalane se kuch nahi hoga. Bilkul duniya me ujala zarur ho jaega lekin andhera to hamare man me hai, zarurat hai waha roshni jalane ki. Mujhe nahi pata sarkar kya karegi, mujhe nahi pata ye andolan kya karega , mujhe ye v nahi pata ki candle jalaney se kya hoga. Ye ab wo gandhi ka desh nahi raha jiske andolan ki awaz london tak jati thhhi aur angrez jhhuk gaye thhe. yaha to netao ne khhadi jarur apna lia lekin gandhi k aadarso se wo koso dur hai , tabhi to unke ghhar k bahar v awaz do to unke kano me ju tak nahi rengte. Ye mausami bhhikhhari hai 5 saal ka bhhikh ek baar mangte hai. Inse kisi v chiz ki ummid bemani hai. Dosto zarurat hai humey insaan banne ki, ek dusre ke dard ko samajhne ki. Kyoki hamari achhi soch aur ekta he is baat ki guarantee hai ki aise hadse dubara na ho.
"Bhhuley ko rasta dikhhane ki zarurat hai
Pyase ko pani pilane ki zarurat hai
zaruratmand k liye hath badhane ki zarurat hai
Hindustan mahan hai aur rahega
insaan hai, bus insaniyat apnaney ki zarurat hai"
Jai Hind!!
:- Kumar sandeep patel
Each And Every Words Comes Out Directly From Soul Of My Heart
